Kva nå, Drangedal

Det er kanskje tid for å gjere opp ein slags status og mange av oss er spente på kva kommunevalet vil gje oss. Vil Drangedal halde fram som før, eller kan me vente oss endringar i politikken.
Nå skal det seiast at Drangedal er ingen dårleg kommune å bu i, men som mange

andre arbeider også eg utanfor kommunen. Det som skjer i Stranda med Buene og Tokke er positivt, og bygda har fått mange positive impulsar med folk som har flytta til bygda, utanfrå. Men politikken slik den har kome til uttrykk på mange område er eg i tvil om, eg lurar litt på om mål og perspektiv er det rette. Ein må vel kunna seie at nåverande administrasjon synast å har gått litt på tomgang, og synt liten evne til reell nytenking.
Arbeidarpartiet, Senterpartiet, SV og Høgre har funne nye toppkandidatar, og ein kan håpe  at det kan føre til ei positiv endring. Dei som kan svare på det, er jo dei sjølv, så ver så god.
Eg vil og håpe at Drangedal i framtida ikkje skal halde fram å utmerke seg som den kommunen der fylkesmannen støtt og stadig grip inn og må irettesette, enten det er  manglande sakshandsaming eller lovstridige vedtak slik me har sett det siste periode. Det er ei lite ærverdig liste å stå på.
Følgjande saker kunne eg ønske at partia seier noko om og eg vil tru det er av interesse for fleire? Konsesjon og buplikt på landbrukseigedomar. Kommunen har og har hatt ei svært liberal haldning til dette, og det kan ikkje seiast å vere i kommunen og bygda si interesse å vidareføre denne politikken. Å gjere om bustadar og gardar til feriestader tener ikkje dei som vil ha levande bygder.
?Medlemskapen i ?Vekst i Grenland?. Eg stiller spørsmål om dette tener kommunen. På ein måte er det å akseptere at me er ein utkant og akseptere at vi skal vere ein pendlar- og sovekommune for Grenland. Det er ein defensiv måte å møte trongen for næringsutvikling og arbeidsplassar på, i praksis er mykje av næringspolitikken delegert ut av kommunen.
?Satsing på turisme og skogs- bog naturressursar. Eg kunne ønske meg eit breiare samarbeid med kommunane Kragerø, Gjerstad, Nissedal og Kviteseid om dette. Me har mykje felles og bør kunna samarbeide til felles nytte. Noko av det som vil vere levedyktig over tid, er å bruke det Drangedal har rikeleg av, skog, levande naturlandskap og vakker og flott natur.
?Vidaregåande utdanning. Drangedal lir under at me ikkje har tilbod til bygda sine ungdomar og andre som ønskjer å ta vidaregåande utdanning. No forsvinn desse ut av bygda, og mange seier farvel til Drangedal på den måten. Kommunen bør ha ambisjon om å etablere vidaregåande utdanning i kommunen. Tenk gjerne skog og turisme, her og. Den største hindringa for å få til slikt sit som regel i hovuda våre.
?Utvikling av aksen Prestestranda, Bostrak, Gautefall. Kommunen bør legge ein plan for å utvikle denne aksen, for på den måten å fange opp alle dei som fer forbi her Det må inkludere bustadområde, næringsområde og generell infrastruktur. . Som senter på denne aksen, så er Bostrak viktig. Då blir det heilt feil å legge ned Bustrak skole, og eg vil utfordre det nye kommunestyret å omgjere det vedtaket.
Dette er nokre viktige område som mange er opptatt av. Kva tenker så partia om dette, Karianne, Åse, Åge og dikkan andre. Kan vi vente ein ny kurs? Kva standpunkt de har kan avgjere kva det står på stemmesetelen i år.

   Hans Magne Gautefall