Regjeringa sender millionregning til høreapparatbrukarar

I forslaget til neste års statsbudsjett foreslår Regjeringa å redusere utgiftene til høreapparat  med 46 millionar kroner. Millionregninga blir sendt til dei som brukar høreapparat.
HLF (Hørselshemmedes Landsforbund) reagerar sterkt på kuttforslaget, noko som vil føre til at hørselshemma må betale over 1200 kroner meir for å få eit par høreapparat. Millionkuttet kom utan forvarsel eller dialog  - og skal gjelde alt frå nyttår.
Funksjonshemma i Norge skal i utgangspunktet få gratis hjelpemidlar, men det gjeld ikkje for landets 200.000 høreapparatbrukarar. Hørselshemma får dekka eit høreapparat til ein verdi av 6.190 kroner. Kostar apparatet meir, må ein betale resten sjøl.Blir forslaget til statsbudsjett vedtatt, reduserast prisgrensa ti prosent, som utgjer over 600 kroner pr høreapparat. Prisen blir «sett tilbake»  til 2005 nivå.
HLF trur ikkje at dei som leverar høreapparat har anledning til å redusere prisane på sine produkter med tilsvarande sum så å sei over natta. I praksis betyr det at landets hørselshemma må betale regninga for at staten skal spare pengar.  Alternativet er at ein velger billigare høreapparat for å sleppe høg egenandel.
Det vil auke sjansen for at brukaren blir misfornøgd og let vera å bruke høreapparata. Det er dårleg samfunnsøkonomi.
Forskrar i Danmark konkluderar med at det er ein sammenheng mellom dårleg hørsel og at ein fell heilt eller delvis ut av arbeidsmarkedet. Danske tal viser at hørselshemming i aldersgruppa 50 – 64 år utgjer eit årleg tap i arbeidsproduksjon som tilsvarar 2,7 millionar kroner. Studentar og hørselshemma i yrkesaktiv alder er dei som har størst nytte av avansera høreapparat,  og dei må nå lide av millionkuttet.
Det blir bruka veldig mykje pengar på å få til eit Inkluderande arbeidsliv  der alle skal kunne fungere unsett funksjonsnedsetting.
Derfor meiner HLF at Regjeringa må bruke pengar på hjelpemidlar og rehabilitering av hørselshemma– og ikkje gå motsatt veg – å redusere støtta! 
Redusera prisar vil også gå ut over utviklinga av neste generasjons høreapparat og opplæring av fagfolk på høresentralane – og her er venlistene lange nok idag!
Ser ein samla på desse argumenta, kan Regjeringa ikkje ha forstått konsekvensane av forslaget om å redusere utgiftene til høreapparater.Vinteren er her og det er på tide å trekke fram ein fjellvettregel: Snu i tide, det er ingen skam å snu!

 Telemark Fylkeslag
 av HLF