Ute etter betre helse på ein enkel måte? Nå kan du bøye og tøye med Maryanne
Prestestranda helselag arrangerer tre kveldar med strekkøvingar i idrettshallen. - Alle som vil kan stille, seier Maryanne Flaten, som er instruktør.
Som ein del av demensaksjonen til Prestestranda helselag blir det arrangert samlingar der du kan lære deg å strekke på kroppen for å få ei betre helse. 28. og 30. september, og 5. oktober finn du Maryanne Flaten på plass som instruktør i Drangedal idrettshall.
– Rørsle er bra. Både for hjartet og for å førebygge demens. Alle som vil kan stille uansett alder og fysisk form, seier Flaten om tilbodet som er gratis.
Artikkelen fortsetter under annonsen.
Sosial gevinst
– Eg har interesse for og har blitt kursa i strekkøvingar og lette styrke styrkeøvingar med eigen kropp som verktøy, seier Flaten, som er medlem i Prestestranda helselag.
Flaten har tidlegare vore instruktør i lett aerobic i eit tiår, og har også delt leiarverv i turngruppa i bygda. Ho fortel at lågterskeltilbodet, som blir arrangert for fyrste gong i Drangedal, også har ein sosial gevinst.
– Kor mange er det plass til på strekksamlingane?
– Det er ein stor hall så det er bare å kome. Det er fint om deltakarane tek med seg matte og handkle sjølve, men om du ikkje har matte kan du låne av oss, seier Flaten.
