Senterpartiet meiner neste års budsjett rommar meir pengar
Då formannskapet såg på budsjettet for 2023 kom Senterpartiet fram til at det kunne ligge meir pengar i inntektene enn kommunedirektøren har skissert.
Senterpartiet har til intensjon å legge fram et forslag til saldert budsjett i kommunestyret.
– Vårt forslag vil prioritere både mellombels og permanent løysing for ungdomsklubb, og dessutan prioritere middel til veg til Kyrkjebygdheia, legg partiet til i ein protokolltilførsel til formannskapet.
Artikkelen fortsetter under annonsen.
Trur på større inntekter
Senterpartiet legg til grunn at inntektsmoglegheitene i budsjettet er reelt større enn kva kommunedirektørens forslag viser. Partiet vil saldere forslaga sine med ein kombinasjon av auka inntekter og omprioritering innanfor forslaget kommunedirektøren har lagt fram.
– Driftsbudsjett er utarbeida og balansert på totalt 330,2 millionar kroner mot 305,6 millionar kroner i 2022. Driftsnivået er framleis høgt i forhold til inntektene våre, og i forhold til revidert budsjett for 2022 må me bruke ytterlegare 1,2 millionar kroner av disposisjonsfondet for å få budsjettet for 2023 i balanse, skriv kommunedirektøren i budsjettforslaget sitt.