Staten utbetaler 11,5 milliardar kroner til norske bønder
Onsdag utbetaler Landbruksdirektoratet cirka 11,5 milliardar kroner i produksjons- og avløysartilskot til om lag 37.900 jordbruksføretak.
Bakgrunnen for utbetalingane er resultatet av tilleggsforhandlingane som fann stad i slutten av oktober 2021.
Då vart staten, Norges Bondelag og Norsk Bonde- og Småbrukarlag samde om ein førebels kompensasjon på 754 millionar kroner over statsbudsjettet. Årsaka var den ekstraordinære kostnadsauken på gjødsel og bygningsmateriale.
Artikkelen fortsetter under annonsen.
– Kommunane, Statsforvaltarane og Landbruksdirektoratet har no avslutta behandlinga av dei fleste søknadene, og søkjarane vil normalt få pengane på kontoen sin innan fredag 18. februar, opplyser seksjonssjef Linn Borsheim i Landbruksdirektoratet i ei pressemelding.
Ho legg til at enkelte søknader som ikkje er ferdigbehandla, av erfaring vil bli innvilga på eit seinare tidspunkt.
Produksjonstilskot i landbruket skal bidra til eit aktivt og berekraftig jordbruk. Tilskot til avløysing gir dei som driv med husdyr, høve til å ta fri.
(©NPK)
anna.nesje@ntb.no